Gure bailaran itsasoa eta lurra mugatzen duten lerro bitxiek forma aldapatsuak sortzen dituzte itsaslabarretan, lasaiak hondartza zabaletan eta garaiak naturaz estalitako mendietan. Orografia berezia, aukera paregabea eskainiko dizuna itsasoaren eta lehorraren artean kokatutako eremu honi loturiko kirol ugari egiteko.

Eskualde honetako naturaren ikonoetako bat Euskal Kostaldeko Geoparkea da, geruza geologiko miragarriak dituena eta hainbat mendi-ibilbide eskaintzen dizkizuna. Beste bat, Pagoetako Parke Naturala, eskualdeko eremu berde nagusia.

Santiago Bideko erromesen urratsak ere sentitzen dira, sentitu, eskualdean. 'Kostaldeko Bideak' Orio, Zarautz, Getaria eta Zumaia lotzen ditu. Orion bisita ditzakezu Kantauri itsasoaren gaineko balkoi idilikoa den Tourseko San Martin ermita, Bariko San Nikolas eliza, Hirigune Historikoa eta Done Jakue Bidearen Interpretazio Zentroa. Zarauztik txakolinaren sorleku den Getariara zoazela, berriz, baserri, zelai eta mahatsondoen lekuko izango zara, Zumaiaraino iritsi arte.

Ibilbide hauek aukera paregabea eskaintzen dizute familiarekin eta lagunekin, ibiliz, gure eskualdea ezagutzeko. Gonbidapena egina dago, gure bailararen paisaiaz gozatu eta aurretik dituzuen bide hauek ezkutatzen dituzten sekretuak aurkitzeko.

Getaria xarma berezia duen arrantzale herria da. Ezagun egin da bere seme-alaba ospetsuengatik, bere gastronomiarengatik, baita San Anton mendiak eskaintzen dituen ikuspegiengatik ere.

Orio aparta da kirola egiteko nahiz bere gastronomia dastatzeko. Orion aurkituko dituzu Done Jakue Bideari eskainitako Interpretazio Zentroa, hirigune historiko ederra eta hondartza lasai bat, Antilla.

Ondare aberatsa, merkataritza, ur-kirolak, museoak, kale-bizitza... Zarautz, herri bizia eta erakargarria urte osoan.

Zumaiak bi hondartza, kirol-portu bat eta hirigune historiko interesgarria ditu. Euskal Kostaldeko Geoparkerako sarbidea ere bada. Lurraren historiako pasarte zirraragarrienak gordetzen dituen aztarna geologikoak dituzu bertan, parerik ez duen paisaia ederrean.